ကမ္ဘာတစ်ခြမ်းထက် ကဗျာတစ်ပုဒ်ကို မြတ်နိုးသူ



တို့နှစ်ယောက်လျှောက်မယ့်လမ်း
ခမ်းနားတဲ့အဆောင်ယောင်တွေပါချင်မှ ပါလိမ်မယ်နော်..........
အဆုံးသတ်ကိုကြိုဖတ်လို့ရတဲ့
ပြဌာန်းချက်တစ်အုပ်မဟုတ်တဲ့
တို့တွေရေးတဲ့စာမျက်နှာတစ်ချို့မှာ
ရယ်သံတွေပါမယ်......
တစ်ချို့စာမျက်နှာတွေက
ခန်းလုလုမျက်ရည်စတွေနဲ့ ။

အကြင်နာလက်တစ်စုံနဲ့ ကမ်းလှည့်ပါ
ဘ၀ သစ်တစ်ခုကို မင်းနဲ့ ငါရဲ့ 
နားလည်မှု့တွေကိုဖြန့်ခင်း
စာနာခြင်းပုဝါကူ
မေတ္တာထူထူမိုးအုပ်
ဟိုး ခပ်လှမ်းလှမ်း 
သံသရာကမ်းစပ်ထိ
မနားတမ်းလျှောက်မယ်
ချောက်နက်နက် တစ်ချို့က တစ်မျိုး
ဆူးကြမ်းကြမ်းတစ်ကွေ့က တစ်ဖုံ
ကြုံဆုံလာနိုင်တဲ့လောကကြီးရဲ့
ပြကွက်ဆန်းဆန်းတွေကို
ရင်ဘက်ချင်းဆက်ပြီးကြိုမယ်လေ ။






* ကမ္ဘာကြီး တစ်ခုလုံး ကို လှပအောင် မစွမ်းနိုင်ပေမယ့်
မီးအိမ်လေးတစ်လုံးလို မင်း ချနင်းမယ့် ခြေလှမ်းတိုင်းတွက် အလင်းစက်တို့ ဖြိုပေးချင်တယ်. . .။
* မနက်ခင်းတိုင်း မင်းအနမ်းနွေးနွေး တွေနဲ့  နိုးထ
ပစ္စုပ္ပန် နေ့ ရက်တွေကို မင်းနဲ့ အတူ ကြိုရင်း နာရီတွေ အသက်သွင်းမယ်. . .။
* လေပြေချိုချို တွေ ဆော့တဲ့ ညနေတစ်ချို့ မှာ
တစ်ယောက်လက်တစ်ယောက်ဆုပ်ကိုင်
ပြီး ခရီးတိုတို လေးအတွက် အားယူမယ်လေ. . .။
* နက္ခက်တွေ ညှို ကြယ်တွေ ရေတွက်ရင်း စိတ်ကူးတွေ ပုံဖော်
အိပ်မက်တစ်ခု မင်းနဲ့ ထပ်တူ မက်ချင်တယ်. . .။
* ကဗျာတွေ ဖြန့် ခင်း တို့ နှစ်ယောက်ရဲ့ ကြင်နာခြင်း အရိပ်
တစ်ခါတစ်ရံတော့ ကာရံ တွေနဲ့ စီးမျောကြရင်းပေါ့. . .။
* တိမ်တွေ ငို ပြိုဆင်းလုချိန်လေး သံစဉ်တွေနဲ့ 
တို့ နှစ်ယောက်ရဲ့ အနာဂတ် တိတ်တိတ်လေး ပြေးဖက်မယ်နော်. . .။
* အဖြူအမဲ လွန်ဆွဲနေတတ်တဲ့ သဘာဝတစ်ခု
လူတွေ ပြောတဲ့ တိုက်ပွဲ
တို့ ရဲ့ ကြင်နာခြင်းလက်တစ်စုံနဲ့ တိုက်မယ်လေ. . .။
* ဒဏ်ရာ ခါးခါး တစ်ချို့ 
အငွေ့ ပျံပျောက်ရှသွားဖို့ ခတ်တဲ့ အတိတ်
ရင်ခွင်ထဲ ထွေးသိပ်ပေးရင်း
နားလည်မှုတွေ နဲ့ ဖေးကူသွားကြမယ်နော်. . .။



ရင်ဘတ်ကြီးထဲက သံစဉ်တစ်စ
မင်းဘ၀ လှဖို့ဆိုညီး
ညနေတစ်ချို့ကို ကဗျာတွေခင်းပေးမယ်
မင်းလှမ်းလာခဲ့ပါနော်...။

ဘ၀ ဆိုတဲ့အရာက
ပုံပြင်တွေလို မလှနိုင်တော့
မင်းယုံအောင်ဘယ်လိုပြောပြရမလဲ။

သေချာတာကတော့
မနက်ဖြန်တွေလှဖို့အတွက်
မင်းနဲ့ ငါရဲ့ချစ်ခြင်းတွေ အရင်းပြု
ပုံပြင်အတုတွေဝါးမျိုရင်း
အလင်းမဲ့ညတွေကို
တို့နှစ်ယောက်ရဲ့ လက်တွေနဲ့ထွန်းညှိကြမယ်လေ။
 



* ကာရန်တွေနဲ့ လှခဲ့တဲ့ည မဟုတ်ဘူး
   ကဗျာတွေငိုပြီး တို့နှစ်ယောက်ရဲ့ ရင်ခုန်သံကို ကြိုခဲ့တာ….။

*သံစဉ်တွေနဲ့ လင်းခဲ့တဲ့ည မဟုတ်ဘူး
  သီချင်းတွေတိတ် ရင်ခွင်တစ်ခုလုံး ကြင်နာခြင်းအရိပ်တွေ ဖြာခဲ့တာ…။

*လိုချင်တာ ဖြစ်နိုင်တဲ့ ပုံပြင်တစ်ပုဒ်
  ကောက်နှုတ်ချက်တွေ ထုတ်ပြီး ပြောခဲ့တာမဟုတ်ဘူး
  အချစ်စွမ်းအားနဲ့ အရာရာ ပြီးမြောက်ခဲ့တာ…။

*ဖြစ်ချင်တာ ရစေတဲ့ စွမ်းအားလဲ ပိုင်ဆိုင်မထားခဲ့ကြပါဘူး
  နှလုံးသားချင်းထပ်တူကျ
  အလိုလို ကို ငြိမ်းချမ်းနေခဲ့ကြတာ…။ 

*အပြာရောင်ညထဲ
  နှလုံးသားထောင့်တစ်နေရာက ယိုဖိတ်လာတဲ့ ဒီကဗျာ
  သေချာတာတော့ ကာရံမပါခဲ့ဘူး မောင်…။ 





ပုဝါမကူဘဲ  ထိုးခဲ့တာပါ
ရေရူဖို့လည်း မေ့ထားတာပါ
ဒါပေမယ့်
ရလာဒ်က လှမလာဘူး…။
တိုတောင်းပါတယ် လို့ပြောနေတဲ့ သက်တမ်း
တစ်ကယ်တမ်းနင်းဖြတ်ရတော့လည်း အတော်အသင့်တော့ကြာတယ်နော်..။
မေးခွန်းတစ်ခု ခေါင်းထဲရောက်လာတယ်
ရှင်သန်ခြင်းဆိုတာ….
အသိအမှတ်ပြုခံရခြင်း …
ထိုက်သင့်တဲ့ငွေအသပြာ ရယူနိုင်ခြင်း…
နေရာတစ်ခု လက်ဝယ်ကိုင်ထားခြင်း
တောက်ပတဲ့အပြုံးလှလှ တစ်ခု ဖန်တီးနိုင်ခြင်းလား
သေချာတာတစ်ခုကတော့
ငါ ပိုပြီး ပြုံးပြတတ်လာတယ်….။
ရှင်သန်ခြင်း ဆိုတာ….
မှားလားမှန်လား ရှာဖွေခြင်း
စစ်လား တုလား ဝေဖန်ခြင်း
ဆိုးလား ကောင်းလား လောင်းကြေးထပ်ခြင်း
အကျိုး နဲ့ အပစ် တက်စ်လုပ်ခြင်း
အပူ အအေး မေးခွန်းထုတ်ခြင်း
မဲလား ဖြူလား ခွဲကြည့်ခြင်း
ယုံကြည်မှု ပမာဏ တိုင်းတာခြင်း
အလင်း အမှောင် ခြယ်ကြည့်ခြင်းလား
ဒီမေးခွန်းတွေကြား ငါအဖြေမထုတ်နိုင်ခဲ့ဘူး..။
ရှင်သန်ခြင်းဆိုတာ  …..
လွယ်ကူခြင်းမဲ့
အဆုံးမရှိ
ရှာဖွေနေရခြင်းလား….  
ကိုယ်အတွက် အဖြေခက်နေတဲ့ ဒီမေးခွန်း
ခေါင်းထဲရောက်ရောက်လာနေတယ်ကွယ်……။



အချစ်ကြိုးစစ် တွယ်ငှင်ရစ်ချည်
ထုဆစ်ပုံသွင်း ချစ်ခြင်းရုပ်သွင်
သံယောဇဉ်ပန်း  နွယ်ပင်တန်းတည်း ။

ကြင်နာမြစ်ငယ်  ယှက်ဖြာသွယ်စီး
ညလည်ညည်းချင်း ချယ်မှုန်းသံစဉ်
မေတ္တာယှဉ်တေး ငြိမ့်ငြိမ့်တည်း ။

ဂရုနာမိုး တိတ်တခိုးဆင်
မြတ်နိုးဝိဥာဉ် တိုးဝှေ့ကြင်သည်
ရင်ခွင်တစ်စုံလှိုက်ခုန်စေ ။

နွယ်တစ်ပင်ပွင့် သံစဉ်လွင့်ချိန်
မေတ္တာအိမ်သစ် တိုးနှစ်ရစ်ချည်
အလီလီဆင့်  ပန်းရောင်ဖြစ်တည်
ရွယ်ရည်သက်ဆုံး တိုင်သို့စေ ။



သင်္ကြန်ရနံ့ ပျံ့ ပျံ့ထုံသင်း
ချည်းနင်းဝင်ရောက် တံခါးခေါက်သူ ။

ကြူ ပုံဆန်းဆင့် လန်းစွင့်စွင့်ယှဉ်
ပင်မြင့်ခေါင်းဖျား ၀င့်ကြွားသူ ။

စက်သွားနရီ ရာသီကူးလူး
နှစ်ဦးသက်ဝင် ပုံရိပ်ဆင်သူ ။

နဂိုယဉ်ပို ရွှေဆင်းစိုစို
ရွက်စိမ်းခိုဝှက် အရှက်သည်းသူ ။

နှုတ်ဆက်ရွက်အို ရွက်နုပျို ကြား
ဥသြချို ကြိုတဲ့ သူ  ။

တူပို့သံချို မူပိုယိမ်းက
ယိမ်းသူမထက် လှလွန်းသူ ။

သူ့ဂုဏ်မွှန်းတင် ပန်းတော်ဝင်ချင်း
ယဉ်ထက်ယဉ်ဆင့် သတင်းကြီးသူ ။




စိတ်ဝိဥာည်တစ်ခုလုံး ပုံအပ်
နှစ်လုံးသားချင်း ထပ်တူကျ
ညပေါင်းများစွာထဲက တစ်ည
ဘဝမှာ အဦးဆုံးသက်ဝင်လှုပ်ရှား
ရင်ခုန်သံ စည်းချက်ညီ နိုးထခဲ့ပေါ့……..။

·         အိပ်စက်ခြင်း မရှိပါပဲ
အိပ်မက်တစ်ခု အတူမက်ရင်း
တို့ နှစ်ယောက်ရဲ့ ဘဝပုံရိပ်
တိတ်တိတ်လေး ထုဆစ်ခဲ့ချိန်
တိမ်ဆိုင်တွေတောင် လိုက်ပါလို့ ”က” နေခဲ့ မယ်ထင်တယ်
အဲဒီည
အိပ်မက်တွေထက် လှတဲ့ ညပေါ့…။



မင်းရဲ့ နှလုံးသားရပ်ဝန်းတစ်ဝိုက်မှာ
ငါ့ရဲ့ "မေတ္တာမိုးရေချိန်"
ရွာရန် ရာနှုန်းပြည့် ဆိုတာ
ဘယ်မှာ မှ ကြော်ငြာပြဖို့ မလိုအပ်ဘူးနော်...။
မင်းရဲ့ ရင်လွှာထက်က ပုံရိပ်
ငါ့နှစ်လုံးသားအိမ်မှာ အသက်ဝင်
ညင်သာလွန်းတဲ့ ဆွဲအား
စက္ကန့် လေး ခြားလိုက်ရင်ပဲ
ငါ့ နှလုံးသားလေး ဖျားတတ်တယ်....။
ငါက မင်းရဲ့ အရိပ်
တစ်ခါတစ်ခါ မင်းကြိတ်ငိုရင်တောင်
ငါ့နှလုံးသွေးတွေ အလိတ်လိတ်ကျ
ထိတ်ထိတ်ပြာပြာနဲ့ 
ငါလေ အရူးမီးဝိုင်းဖြစ်တတ်တာလည်း
ဘယ်သူမှ မမြင်လိုက်တောင်
မင်း သိနေပါတယ်....။
ရေမြေတွေ ခြားထားလဲ
မင်း နဲ့ ငါ့ နှစ်လုံးသား
မွေးဖွားတဲ့ ည တစ်ညတည်း
အသက်ဝင်ချိန် တစ်ချိန်တည်း
တို့ နှစ်ယောက်က
"နှစ်လုံးသားချင်းဆက်" အမွှာတွေ နော်။



ဘဝရဲ့ လက်တွဲဖော်တွေနော်
ပျော်စရာကြုံလဲ မခွဲကြေး
ငိုစရာဆိုလဲ မျှဝေကြေး
ပြောပြနေရတယ် ခဏတိုင်းပဲ
ချစ်သူက မေ့တတ်လို့ ပါ။

ဘဝရဲ့ ရင်ခုန်ဘတ်တွေလေ
ဝေချိန်လဲ အတူတူ ဝေကြေှး
ကြွေချိန်လဲ အတူတူ ကြွေကြေး
ဒါလည်း ချစ်သူ ပေးထားတဲ့ ကတိစကားပါ။

သေတပန်သက်တဆုံးထိ မတောင်းဆိုပါဘူး
“ခဏ” ဆိုတဲ့ အချိန်တိုင်းလေးပဲ
ပေးထားဖူးတဲ့ ကတိစကား
ပြန်ပြန် ကြားပေးပါလား။

ခါးတတ်တဲ့ ဘဝရဲ့ မြစ်ကြီးထဲ
အရိုးသားဆုံး ရင်ခုန်သံတွေနဲ့ 
အနွေးထွေးဆုံးချစ်သူ့ လက်တစ်စုံ ဆို ကိုယ့်ဘဝ ကုံလုံနေပါပြီ။

Popular Posts 2

Popular Posts 3